Երեկ Երեւանում տեղի ունեցած միջադեպի գործով երեք անձ է բերման ենթարկվել
18:16 , 26 սեպտեմբեր, 2017Armtimes.com-ը գրում է.
Մեր տեղեկություններով, երեկ երեկոյան Մամիկոնյանց 60 հասցեում՝ «Ասպար Արմս Որսորդական զենքեր եւ պարագաներ» ընկերության դիմաց տեղի ունեցած վիճաբանության գործով քիչ առաջ ոստիկանության բաժին է բերման ենթարկվել երեք անձ: Նշենք, որ վիճաբանության ժամանակ կիրառվել է նաեւ գազային ատրճանակ:
ՀՀ ոստիկանության հասարակայնության հետ կապերի եւ լրատվության վարչությունից վերը նշվածի հետ կապված մեզ ասացին, որ ոստիկանության ծառայողների օպերատիվ-հետախուզական միջոցառումների եւ բացատրական աշխատանքների արդյունքում ինքնակամ ոստիկանության Արաբկիրի բաժին են ներկայացել Երեւանի բնակիչներ Գագիկ Աղաջանյանը, Էդուարդ Աղաջանյանը եւ Տիգրան Աղաջանյանը: Վիճաբանության մյուս մասնակիցներին հայտնաբերելու ուղղությամբ միջոցառումները շարունակվում են:
Ամբողջական հոդվածը կարող եք կարդալ այստեղ։