Թուրքիայի վարչապետ Բինալի Յըլդըրըմը կոչ է արել Մասուդ Բարզանիին վերջ դնել «անջատողականությանը»

15:56 , 22 սեպտեմբեր, 2017
Թուրքիայի վարչապետ Բինալի Յըլդըրըմը այսօր հայտարարել է, որ Իրաքյան Քրդստանի անկախության հանրաքվեից հետո Թուրքիան իրեն իրավունք է վերապահելու միջազգային նորմերի շրջանակներում ձեռնարկել քայլեր իր ազգային անվտանգությունը պաշտպանելու համար: Նա կոչ է արել Մասուդ Բարզանիին վերջ դնել «անջատողականությանը», չեղարկել հանրաքվեի անցկացման որոշումը, քանի որ այն քրդերին լավ բանի չի բերի: Ինչպես նաև ասել է, որ Քիրքուքում անկախության հանրաքվե անցկացնելը կբերեի աղետի, որի պատասխանատվությունն ընկնում է Իրաքյան Քրդստանի կառավարության վրա: