Այս լողացող տունը վաճառքի է հանվել, և այն պարզապես հրաշալի է․ միայն տես, թե ինչպիսին է այն ներսից․․․

Ալան և Ջո Մեյսոնները բրիտանացի տարեց ամուսիններ են: 2012 թվականին նրանք դարձել են հատուկ պատվերով կառուցված 20 մ երկարություն ունեցող լողացող տան սեփականատերերը և այն անվանել են Վալհալա: Ներկայացնում ենք այդ յուրահատուկ կառույցը:

Առաջին հայացքից թվում է, որ այս տան պատկերն ընդամենը կադր է ինչ-որ հայտնի ֆիլմից: Ամուսիններն այս տարիների ողջ ընթացքը անց են կացրել ճամփորդելով, սակայն 76-ամյա Ալանի առողջական որոշ խնդիրների պատճառով այժմ վաճառում են իրենց տունը:

Տան կահավորումը ուղղակի հիացնում է: Հանգստի գոտին համալրված է երկու հարմարավետ բազմոցներով: Բացի դրանից՝ զբոսանավի մեջ կա նաև ճաշասենյակ, ննջասենյակ, աշխատասենյակ և երկու լոգարան: Շքեղ սև մանրահատակի տակ տեղակայված են ջերմապահովիչ սարքավորումներ, ինչից բացի՝ նավի մեջ կա նաև դիզել վառելանյութով աշխատող վառարան:

Սննդի պատրաստման գոտում տեղադրված են համապատասխան սարքեր: Նավի վրա կա ամեն բան լիարժեք հարմարավետ կյանքի համար՝ լվացքի մեքենա, հեռուստացույց, DVD նվագարկիչ և այլն:

Մեյսոնները մտածել են իրենց ապագա տան յուրաքանչյուր մանրուքը նախքան այն կառուցելը. գուցե դրա համար է այն այդքան հարմարավետ ստացվել: Հազիվ թե նոր սեփականատերը ցանկանա շատ բան փոխել: