Տապակած պանիր
09:17 , 11 սեպտեմբեր, 2017Բաղադրիչներ
- պանիր սուլուգունի - 750գր
- պաքսիմատ - 1 բաժակ (սպիտակ հացից)
- պանիր պարմեզան - 30գր (կամ չոր տեսակի այլ պանիր)
- պղպեղ կարմիր - 1թ/գդ
- պղպեղ չիլի - 1/4թ/գդ՝ ըստ ճաշակի
- աղ - 1թ/գդ
- ձու - 2 հատ
- ալյուր - 2ճ/գդ
- բուսայուղ
Պատրաստման եղանակ
- Սուլուգունի պանիրը կտրատում ենք եռանկյունաձև կամ Ձեր ցանկացած չափի և ձևի:
- 30գր չոր պանիրը անցկացնում ենք մանր քերիչով, ավելացնում համեմունքները, աղը և պաքսիմատը: Լավ խառնում ենք ստացված զանգվածը:
- Ձուն թեթևակի հարում ենք 2պտղունց աղի հետ:
- Պանիրը գլորում ենք սկզբում ալյուրի մեջ, հետո ձվի, ապա պաքսիմատի մեջ:
- Թավայի մեջ լցնում ենք մինչև 1սմ բարձրության բուսայուղ և դնում միջինից բարձր կրակի վրա: Տապակում ենք պանրի կտորները 2 կողմից մինչև դրանց ոսկեգույն դառնալը:
Պանիրը երկար տապակել չի կարելի. հակառակ դեպքում այն կհալչի կամ շատ բուսայուղ կներծծի:
Տապակված պանիրը դնում ենք անձեռոցիկի վրա, որպեսզի ազատվենք ավելորդ յուղից:
Նախուտեստը կարելի է մատուցել նաև սոուսով, որի համար անհրաժեշտ է խառնել 2ճ/գդ թթվասերը, 2ճ/գդ մայոնեզը և քերիչով անցկացրած 1 հատ վարունգը: