iPhone-ից Apple-ի եկամուտը 10 տարում կազմել է 760 մլրդ դոլար
18:15 , 9 սեպտեմբեր, 201710 տարում՝ առաջին iPhone սմարթֆոնի թողարկման պահից, Apple կորպորացիան իրացրել է մոտ 1.2 մլրդ սմարթֆոն։ Այս մասին ասվում է Strategy Analytics ընկերության վերլուծական հաշվետվությունում։
Սմարթֆոնների իրացումից համընդհանուր եկամուտը կազմել է 760 մլրդ դոլար։ Հաղորդվում է, որ iPhone-ի վաճառքից եկամտի 1 տրիլիոն դոլարի նշագիծն ընկերությունը կհատի 2018 թվականի ավարտին։
Այսպիսով՝ ամերիկյան ընկերությունը կդառնա աշխարհում սմարթֆոնի առաջին ստեղծողը, որի վաճառքը կբերի 1 տրիլիոն դոլար։