Գերմանիայում անհայտ անձիք պղծել են Հայոց ցեղասպանության զոհերի հիշատակի խաչքարը

Անհայտ անձիք գերմանական Լեեր քաղաքում (Ներքին Սաքսոնիա) հայկական հուշարձան-խաչքար են պղծել։

Այնտեղ հայտնաբերվել են խաչքարից պոկված կտորներ՝ հայտնում է Nouvelles d’armenie-ն։ Ոստիկանությունը զբաղվում է վանդալիզմի փաստով և մեղավորի որոնմամբ։

Այս տարվա փետրվարին գրանցվել էր նույն հուշարձանի պղծման ևս մեկ դեպք։ Հուշարձանը տեղադրվել էր 2016 թվականին՝ որպես Հայոց ցեղասպանության զոհերի հիշատակի խորհրդանիշ։