Կիևում առևանգել են Ռուսաստանի Առաջին ալիքի լրագրողին

Կիևում առևանգել են Ռուսաստանի Առաջին ալիքի լրագրող Աննա Կուրբատովային: Այդ մասին հայտնել է հեռուստաալիքի մամուլի ծառայությունը: «Ռոսիա 24»-ի տվյալներով՝ լրագրողին տարել են անհայտ ուղղությամբ:

Օգոստոսի 26-ին Կուրբատովան հայտնվել Էր «Խաղաղապահ» ուկրաինական կայքի տվյալների բազայում: Ռեսուրսի հեղինակները լրագրողուհուն մեղադրել են հակաուկրաինական քարոզչության, հասարակական կարևորություն ունեցող տեղեկատվությամբ մեքենայությունների, ինչպես նաև «իրադարձությունների միտումնավոր շարադրման» մեջ: