Տեխասի ափամերձ տարածքին պատուհասած ամենահզոր «Հարվի» փոթորկի հզորությունը Սաֆիր-Սիմփսոնի 5-բալանոց սանդղակով իջեցվել է 1-ի, սակայն առաջիկա օրերին հորդառատ անձրևների պատճառով սպասվում է ջրհեղեղ, հաղորդում է ԱՄՆ-ի Փոթորիկների ուսումնասիրության ազգային կենտրոնը:
Կենտրոնի տվյալներով՝ քամու առավելագույն ուժգնությունը ժամում հասնում է 90 մղոնի (150 կմ/ժամ):
«Հարվին» դանդաղ շարժվում է Հարավային Տեխասով: Առաջիկա օրերին սպասվում են ջրհեղեղներ` հորդառատ անձրևների պատճառով», – ասված է կենտրոնի հաղորդագրության մեջ:
Հիշեցնենք, որ փոթորիկը սկսվել է օգոստոսի լույս 26-ի գիշերը, կենտրոնում քամու ուժգնությունը հասնում էր 215 կմ/ժ-ի։ Այն հանդիսանում է «Կատրինի» ժամանակներից ի վեր ամենահզոր փոթորիկը։