Ադրբեջանական ընդդիմադիր Meydan.tv-ի տվյալներով՝ օգոստոս ամսին, Դաշկեսանում տեղակայված զորամասերից մեկում դժբախտ պատահարի (ծառի անկման) հետևանքով մահացել են 2 զինծառայողներ, իսկ 1-ը վիրավորվել է։
Կայքի տվյալներով՝ զինծառայողներից մեկը մահացել է տեղում, իսկ մյուսը՝ պայմանագրային զինծառայող, Աղստաֆայի շրջանի Գիրիլի գյուղի բնակիչ, 1996թ ծնված Ռահման Էլխան օղլու Մուսաևը (Rəhman Elxan oğlu Musayev) տեղափոխվել է Գյանջայի զինվորական հոսպիտալ, այնուհետև Բաքու, որտեղ մահացել է օգոստոսի 13-ին։
Ադրբեջանի պաշտպանության նախարարությունը դեռևս որևէ տեղեկություն չի հայտնել պատահարի և զինծառայողների մահվան մասին։