AFP. Սիրիայում ավելի քան 40 մարդ է զոհվել կոալիցիայի օդուժի հարվածների հետևանքով
17:20 , 22 օգոստոս, 2017Aysor.am-ը գրում է.
Սիրիայի Ռաքքա քաղաքի բնակելի թաղամասերում ԱՄՆ-ի գլխավորած միջազգային կոալիցիայի ռազմաօդային ուժերի հարվածների հետևանքով առնվազն 42 խաղաղ բնակիչ է զոհվել, հայտնել է AFP-ն հղում անելով «Մարդու իրավունքների մոնիթորինգի սիրիական կենտրոն» ոչ կառավարական կազմակերպությանը, որը հաստատված Է Լոնդոնում, փոխանցում է ТАСС-ը:
Նշվում Է, որ զոհերից 19-ը երեխաներ են: Հարվածների մեծ մասը բաժին է հասել քաղաքի հյուսիսային մասին: Կոալիցիայի օդուժը աջակցություն է ցուցաբերում «Սիրիայի դեմոկրատական ուժեր» կազմակերպության արաբա-քրդական կազմավորումներին, որոնք ծայրահեղականների դեմ մարտեր են մղում Ռաքքայի փողոցներում: Եփրատի վրա գտնվող համանուն նահանգի այս վարչական կենտրոնի գրոհն սկսել է հունիսի 6-ին: