Զոհված զինվոր Արման Մովսիսյանի հարազատները հերքում են տեղեկությունները, թե ՊՆ-ն իրենց չի աջակցել
16:50 , 21 օգոստոս, 2017Aysor.am-ը գրում է.
Օգոստոսի 14-ին ՊԲ հյուսիսային-արևելյան ուղղությամբ հակառակորդի կրակոցից զոհված Արման Մովսիսյանի հարազատներին զայրացրել է մեդիադաշտում տարածվող տեղեկությունը, թե զինծառայողի հուղարկավորության արարողության կազմակերպման ընթացքում իրենց չի ցուցաբերվել պատշաճ օժանդակություն Պաշտպանության նախարարության կողմից:
Բանն այն է, որ օրերս Facebook սոցիալական ցանցի օգտատերերից մեկը գրառում էր կատարել, թե Արման Մովսիսյանի «մեդալն անգամ հանձնել են առանց բարձիկի` պատճառաբանելով, թե այն 20 հազար դրամ արժի»:
Aysor.am-ի հետ զրույցում ընտանիքի բարեկամներից մեկն, ով անձնական պատճառներով չցանկացավ ներկայանալ, նշեց, որ անձամբ մասնակցել է բոլոր գործընթացներին և կարող է վստահեցնել, որ այս տեղեկությունն իրականությանը չի համապատասխանում:
«Առաջին պահից այնտեղ եմ եղել: Երեխային բերելիս իրեն ուղեկցել է փոխգնդապետերից մեկն, ով ամեն ինչ պատշաճ ձևով կազմակերպել է: Ինչ վերաբերում է մեդալի բարձիկին, հենց մենք չենք թողել, որ իր փոխգնդապետը գնի այն, որովհետև ասել ենք` «ի՞նչ իմաստ ունի, այդ բարձիկը ոչինչ չի փոխելու, ավելի լավ է այդ գումարը տրամադրենք իր ընտանիքին»»,- ասաց Մովսիսյանների ընտանիքի հարազատը:
Ամբողջական հոդվածը կարող եք կարդալ այստեղ: