Օրվա բաղադրատոմսը. Խնձորով համեղ բլիթներ


09:31 , 21 օգոստոս, 2017

Բաղադրիչներ

  • խնձոր - 4 հատ
  • շաքարավազ - 3ճ/գդ
  • ձու - 2 հատ
  • սոդա - 1 պտղունց
  • ալյուր - 1 բաժակ
  • վանիլին - 1 պտղունց
  • բուսայուղ - 100մլ

Պատրաստման եղանակ

  1. Խնձորները լվանալ, կեղևազրկել, անցկացնել խոշոր քերիչով կամ մանրացնել բլենդերում:
    xndzorov-aladi-2
  2. Ավելացնել շաքարավազը և ձուն, խառնել: Ավելացնել նաև վանիլինը, ալյուրը և սոդան: Ալյուրը ավելացնել փոքր չափաբաժիններով, մաս առ մաս՝ հասցնելով խմորը թթվասերի խտության միատարր զանգվածի:
  3. Ալադիները պատրաստել բուսայուղով պատված թավայի մեջ ոչ շատ ուժեղ կրակի վրա: Տապակել 2 կողմից մինչև կարմրավուն երանգի ստացումը:
    xndzorov-aladi-3
  4. Պատրաստի ալադիների վրա շաղ տալ շաքարի փոշի և մատուցել մեղրի  կամ թթվասերի հետ:
    xndzorov-aladi-4

Ինչպես և բանանով ալադին, խնձորով ալադին ևս պետք է ուտել անմիջապես պատրաստելուց հետո: Իսկ որպես նրբաճաշակ մատուցման տարբերակ՝ առաջարկում ենք վրան ծորացնել բարձրակարգ մեղր: