Շարմազանով. ԵՏՄ-ից դուրս գալու մասին խոսակցությունները կեղծ օրակարգ են
13:30 , 18 օգոստոս, 2017Panorama.am-ը գրում է.
«Ես պաշտոնապես չեմ լսել, չեմ տեսել, որ «Ելք» դաշինքը պատրաստ է օրենսդրական նախաձեռնություն ներկայացնել Հայաստանի՝ Եվրասիական տնտեսական միությունից դուրս գալու վերաբերյալ»,-հայտարարել է ԱԺ փոխնախագահ Էդուարդ Շարմազանովը՝ ՀՀԿ ԳՄ նիստից հետո պատասխանելով լրագրողների հարցին:
Նրա խոսքով, դաշինքում առնվազն մեկ կուսակցություն կա՝ «Քաղաքացիական պայմանագիր»-ը, որը ոչ հետընտրական, ոչ էլ նախընտրական փուլում պաշտոնական կարծիք, հստակ դիրքորոշում այդ մասին չի հայտնել:
Հիշեցնենք, որ «Ելք» դաշինքի կազմում են «Հանրապետություն», «Լուսավոր Հայաստան» և «Քաղաքացիական պայմանագիր» կուսակցությունները:
«Բայց սա իրենց խնդիրն է, սա զուտ «Ելք»-ի մասով: Ինչ վերաբերում է մեր դիրքորոշմանը, ապա մենք չենք կարող սատարել այդ դիրքորոշմանը: Գտնում ենք, որ Հայաստանի անդամակցությունը Եվրասիական տնտեսական միությանն արդարացված և արդյունավետ է: Առաջարկում ենք մեր գործընկերներին խոսել ոչ թե էմոցիաների և արտաքին քաղաքականության ճաշակի առաջնահերթությամբ, այլ փաստերով: Եթե մենք չմտնեինք Եվրասիական միություն, Հայաստանի բանջարեղենը, լոլիկն ու վարունգը պետք է Փարիզո՞ւմ վաճառեինք: Եթե մենք չմտնեինք ԵԱՏՄ, Հայաստանի կոնյակը, պիտի Ֆրանսիայո՞ւմ ու Մեծ Բրիտանիայո՞ւմ վաճառեինք»,-ասաց նա:
Ամբողջական հոդվածը կարող եք կարդալ այստեղ