էնտերովիրուսային վարակների եզակի դեպքեր են արձանագրվում. Լիանա Թորոսյան
16:54 , 16 օգոստոս, 2017Panorama.am-ը գրում է.
Այսօր հանրապետությունում էնտերովիրուսային վարակների եզակի դեպքեր են արձանագրվում, իրավիճակը բարվոք է»,- այս մասին Panorama.am-ին հայտնեց Առողջապահության նախարարության վտանգավոր և օդակաթիլային վարակների համաճարակաբանության բաժնի պետ Լիանա Թորոսյանը:
Նրա տեղեկացմամբ՝ բուն էնտերովիրուսների աշխուժացումը նկատվել էր հունիս-հուլիս ամիսներին, իսկ օգոստոսին որևէ սրացում, զանգվածային դեպքեր չկան։
Անդրադառնալով էնտերովիրուսների խմբի մեջ մտնող կոկսակի վարակին, որով վերջին շրջանում Թուրքիայում բազմաթիվ մարդիկ էին վարակվել, Լիանա Թորոսյանն ասաց. «Այս խմբի մեջ մտնող կոկսակի վարակի կլինիկական ախտորոշումներն են տիպիկ ցանավորումն ու աղիքային երևույթների առկայությունը։ Ընդհանուր էնտերովիրուսային վարակներն արտահայտվում են մրսածության և աղեստամոքսային խանգարումների ախտանշաններով»:
Ամբողջական հոդվածը կարող եք կարդալ այստեղ։