Մատա. Վաղ թե ուշ մենք էլ Ռեալի նման տեղ կունենանք Չեմպիոնների լիգայի եզրափակչում և կնվաճենք գավաթը

Անգլիական «Մանչեսթեր Յունայթեդի» կիսապաշտպան Խուան Մատան խոսել է ՈւԵՖԱ-ի Սուպերգավաթի` Մադրիդի «Ռեալի» դեմ կայանալիք հանդիպման մասին:

««Ռեալը» Չեմպիոնների լիգայի գործող հաղթողն է: Իհարկե, «Ռեալի» դեմ բոլորը յուրահատուկ են նախապատրաստվում և երազում են հաղթել նրան:

Մադրիդցիները հրաշալի թիմ ունեն, նրանք դարձել են նաև Իսպանիայի չեմպիոն: Գիտակցում ենք, որ մրցակիցը հզոր է, սակայն «Մանչեսթեր Յունայթեդը» նույնպես տիտղոսներ ունի: