Operativ.am-ը գրում է․
Գերմանիայի իշխանությունները ցանկանում են, որպեսզի Եվրամիությունը կոշտացնի Թուրքիայի հետ հարաբերությունները: Այս մասին գրում է «Росбалт» լրատվական գործակալությունը՝ հղում տալով «Bild»-ին:
Տաբլոիդի տվյալներով՝ Բեռլինը դժգոհ է Թուրքիայում «դեմոկրատական սկզբունքների և իրավական պետության նորմերի խախտումներից»: Խոսքն այն մասին է, որ Անկարային թողնեն առանց ֆինանսական աջակցության, որը նրան տրամադրում է Բրյուսելը ԵՄ մտնելու մասին բանակցությունների շրջանակում: Այն միլիարդավոր եվրոներ արժե:
Հուլիսի վերջին երկու երկրների միջև լարվածությունը սրվեց այն բանից հետո, երբ Թուրքիայում ձերբակալեցին վեց իրավապաշտպանների, այդ թվում՝ գերմանացի Պետեր Շտոյդտներին: Նրանց մեղադրել են ահաբեկիչների հետ համագործակցելու մեջ: