Ռուսաց լեզվի սահմանադրական կարգավիճակի հարց ՀՀ-ի օրակագրում չկա եւ չի նախատեսվում. Աշոտյանի պատասխանը Վոլոդինին

Լրահոսում ու սոցիալական ցանցերում արագորեն տարածվել էր, որ ՌԴ Պետդումայի խոսնակ Վ.Վոլոդինը ՀՀ իշխանություններին առաջարկել էր ռուսերենին պաշտոնական լեզվի կարգավիճակ տալ, որպեսզի ազգային վարորդական իրավունքներն ընդունվեն Ռուսաստանում:
Բնականաբար, մեծ դժգոհությունների ալիք էր բարձրացել հայկական լրատվական ու սոցիալական հարթակներում: Ավելի ուշ տեղեկատվություն տարածվեց, որ հայկական կողմը տեղում պատասխան է ՌԴ Պետդումայի խոսնակին` հստակորեն ընդգծելով ՀՀ-ի մոտեցումը:

Մասնավորապես ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանն ասել է. 
«Ռուսաց լեզվի սահմանադրական կարգավիճակի հարց Հայաստանի օրակագրում չկա եւ չի նախատեսվում»:
Կարծում եմ` կարևոր է, երբ նման բարձր մակարդակով արվող հայտարարույթունները տեղում պատասխան են ստանում: Ընդհանուր առմամբ կարելի է նկատել, որ վերջին շրջանում տարբեր վեկտորներով ՀՀ արտաքին քաղաքական ակտիվությունն աչքի է ընկնում առավել հստակ, երբեմն նաև կտրուկ հայտարարություններով: