Ադրբեջանում Չեխիայի դեսպանն ԱԳՆ կհրավիրվի ՀՀ-ում Չեխիայի դեսպանի հայտարարության հարցով

Ադրբեջանում Չեխիայի դեսպանն ԱԳՆ կհրավիրվի Հայաստանում Չեխիայի դեսպանի հայտարարությունների հարցով: Պետր Միկիսկան Երևանում խոսել է բլոգեր Ալեքսանդր Լապշինի ձերբակալության մասին և մեղադրել է Ադրբեջանին Եվրախորհրդարանի պատգամավորների նկատմամբ միջազգային հետախուզում հայտարարելու որոշման համար, Ադրբեջանի ԱԳՆ-ին հղումով գրում են ադրբեջանական լրատվամիջոցները: 

 Ադրբեջանի ԱԳՆ խոսնակ Հիքմեթ Հաջիևն ասել է, որ Չեխիայում Ադրբեջանի դեսպանատունը ևս պատրաստվում է դիմել ԱԳՆ-ին՝ պարզելու, թե արդյոք դեսպանը նման հայտարարություններ է արել: «Եթե Չեխիայի դեսպանը նման հայտարարություններ է արել, ապա դա հակասում է միջազգային օրենքներին, նորմերին և սկզբունքներին, քանի որ չեխ դեսպանի հայտարարությունները քաղաքականացնում են իրավաբանական հարցեր, որոնք հանցագործության հանցակազմում են», ասել է Հաջիևը: