Վերջին անգամ 30-ամյա Ժորա Հովհաննիսյանին կանաչ խոտածածկին տեսել են նրա հոր 60-ամյակին նվիրված ֆուտբոլային երեկոյի ժամանակ: Այդ օրը ԽՍՀՄ նախկին ֆուտբոլիստներից կազմված հավաքականը մրցում էր ֆուտբոլային աշխարհի լեգենդների հավաքականի հետ: Ժորան դստեր հետ էր, փոքր ինչ գեր, կորցրած երբեմնի մարզական կեցվածքը:
2000-ականների սկզբին Ժորա Հովհաննիսյանը Հայաստանի ամենատաղանդավոր ֆուտբոլիստներից էր: Խաղային որակներով ու որոշ դետալներով նույնիսկ նման էր հորը: Խորեն Հովհաննիսյանը մեկ առիթով ասել է, որ իր որդին իրենից էլ տաղանդավոր է: