Մենք կարող ենք լուծել և՛ ԼՂ-ում, և՛ Մերձդնեստրում առկա խնդիրներն՝ առանց օտար պետությունների միջամտության. Լուկաշենկո

«Շատ լավ կլիներ, եթե մեզ մոտ առկա խնդիրները մենք ինքներս լուծեինք: Սեղանի շուրջ՝ Մինսկում, Մոսկվայում, Երևանում, ՀԱՊԿ երկրների այլ քաղաքներում: Որպեսզի չլինի ինչ-որ այլ պետության, խմբերի, կլոր սեղանների ազդեցությունը: Առավել ևս, որ մենք կարող ենք լուծել այդ խնդիրները և՛ Ղարաբաղում, և՛ Մերձդնեստրում, և՛ Ուկրաինայում: Դա մեր խնդիրներն են: Մենք դրանք պետք է լուծենք՝ առանց օտարերկրյա քաղաքական բյուրոների և միջամտությունների»,- ընդգծել է Բելառուսի նախագահը:

Լուկաշենկոն նշել է, որ եթե հաջողվեր հանգուցալուծել անհանգստություն առաջացնող իրավիճակները և անկայունության կետերը ՀԱՊԿ տարածքում, ապա կազմակերպության հեղինակությունը զգալի կաճեր:

«Անկասկած է, որ միայն համատեղ ջանքերով մենք կկարողանանք ապահովել մեր ազգային շահերի պաշտպանությունը»,- ընդգծել է Բելառուսի նախագահը: