Չի բացառվում, որ Արմավիան ունեցած պարտքերի պատճառով սնանկ ճանաչվի
15:02 , 29 մարտ, 2013
Չի բացառվում, որ Արմավիան ունեցած պարտքերի պատճառով սնանկ ճանաչվի, այսօր արդեն ազգային ավիափոխադրող ընկերությունը դադարեցրել է չվերթերն՝ անորոշ ժամանակով: Այս մասին երեկ հայտարարել է քաղավիացիայի վարչության պետ Արտյոմ Մովսիսյանը։
Ավելին, Արմավիային մի շարք բացառիկ արտոնություններ տվող պայմանագիրը, որը ստորագրվել էր Կառավարության ու Արմավիայի միջև, սպառվում է ս.թ. ապրիլի 22-ին և դեռ պարզ չէ, թե կերկարաձգվի՞ այն, թե՞ ոչ։ Փաստը մնում է փաստ՝ թռիչքների դադարեցումն անակնկալ է հանդիսացել ուղևորների համար, իսկ Արմավիայի ներկայացուցիչները միայն խոստացել են հնարավորինս շուտ գրավոր պարզաբանումներ ներկայացնել։