Օրերս քննարկվել է կաթիլային ոռոգման համակարգերի ներդրման համար տրամադրվող վարկերի տոկոսադրույքների սուբսիդավորման ծրագրի նախագիծը:
Ծրագրի հիմքում ջրային ռեսուրսների արդյունավետ օգտագործումն է, բերքատվության աճը, ինչպես նաև չմշակվող տարածքների նվազեցումը:
Այն իրականացնելու համար պետությունը պատրաստվում է աջակցել կաթիլային ոռոգման համակարգերի ներդրման գործընթացում, ինչն արտահայտվելու է նպատակային վարկերի տոկոսադրույքի որոշակի սուբսիդավորմամբ, որն ավելի հասանելի է դարձնելու ոռոգման այդ տեսակը գյուղացիների համար: