«Ժողովուրդ». 6-րդ գումարման ԱԺ-ը ոչնչով չի տարբերվում նախորդներից. դատարկ դահլիճում ընթանում էր հարցերի քննարկում
11:45 , 31 մայիս, 2017
«Երեկ մինչ խորհրդարանը արտահերթ նիստում հատուկ ընթացակարգով քննարկում էր կառավարության կողմից ներկայացված մի քանի նախագծեր, խորհրդարանականները, բացի նիստին ներկա լինելուց, ինչով ասես զբաղված էին: «Ժողովուրդ» օրաթերթի տեսախցիկը ֆիքսեց, թե ինչպես է դատարկ դահլիճում ընթանում հարցերի քննարկումը: Ասել է, թե 6-րդ գումարման Ազգային ժողովը ոչնչով չի տարբերվում նախորդ խորհրդարաններից:
Պատգամավորները ներկայանում են միայն քվեարկության ժամանակ, և առանց գիտության, թե ըստ էության ինչի մասին է նախագիծը, ի՞նչ փոփոխություններ են սահմանվում ըստ այդ նախագծերի, խորհրդարանականները կողմ են քվեարկում: Սա արդյունքն է այն պարզ ճշմարտության, որ արդեն քանի տարի Ազգային ժողով են մուտք գործում մարդիկ, որոնք բացարձակապես կապ չունեն քաղաքականության հետ, ընդամենը իշխանության վերին օղակներում ունեն «քավորներ»»,-գրում է թերթը:
Նյութն ամբողջությամբ կարդացեք թերթի այսօրվա համարում: