Եվրամիությունը 1 տարով երկարաձգել է Սիրիայի դեմ պատժամիջոցները
16:48 , 29 մայիս, 2017
Եվրամիությունը մեկ տարով երկարաձգել է Սիրիայի կառավարության դեմ սահմանված պատժամիջոցները: Այս մասին հաղորդում է Եվրոպական խորհրդի կայքը:
«Խորհուրդը 2017թ. մայիսի 29-ին երկարաձգել է սիրիական ռեժիմի դեմ պատժամիջոցները մինչև 2018թ. հունիսի 1-ը»,-ասվում է հայտարարությունում:
Նշվում է, որ պատժամիջոցների ցուցակում ներառվել են նաև սիրիացի երեք նախարարներ: Սիրիական ռեժիմի և վերջինիս կողմնակիցների դեմ սահմանափակումները կշարունակվեն այնքան ժամանակ, քանի դեռ շարունակվում են բռնաճնշումները Սիրիայի քաղաքացիների հանդեպ:
Ներկայում ԵՄ-ի պատժամիջոցների ցուցակում ներառված է 240 մարդ և 67 իրավաբական անձ: