Համացանցում հրապարակվել է տեսանյութ, որի «հերոսը»՝ օձը, ջուր է խմում շշից։
Ինչպես գրում է Daily Mail-ը, այդ դեպքը տեղի է ունեցել Սաուդյան Արաբիայի անապատում։ Տեսանյութում երևում է, թե ինչպես է օձն ագահորեն խմում ջուրը, որը պահել է կադրից դուրս գտնվող մարդը։ Երբ շշի ջուրը վերջացել է, սողունը հեռացել է։
Պարբերականը նշում է, որ ջերմաստիճանը Ռուբ-էլ-Հալի անապատում, որտեղ էլ ենթադրաբար տեղի է ունեցել մարդու հետ օձի հանդիպումը, միջինը կազմում է 40-50 աստիճան Ցելսիուս։
Ավելի վաղ նման դեպք էր տեղի ունեցել Հնդկաստանում թագավորական կոբրայի հետ, որը ջրի պակասի հետևանքով հայտնվել էր բնակավայրում։