Նրբերշիկով կարկանդակ
09:00 , 6 մայիս, 2017Բաղադրիչներ
- նրբերշիկ - 12 հատ
- կաթ - 250մլ
- ձու - 1 հատ
- ձվի դեղնուց - 1 հատ
- կարագ - 50գր
- շաքարավազ - 1ճ/գդ
- ալյուր - 450-500գր
- խմորիչ - 10գր
- աղ - 1 պտղունց
Պատրաստման եղանակ
- Տաք կաթի մեջ ավելացնել 1թ/գդ շաքարավազը և խմորիչը, թողնել մինչև խմորիչը հասունանա:
Ձուն խառնել մնացած շաքարավազի և աղի հետ:
Կաթի մեջ ավելացնել ձուն շաքարավազի և աղի հետ, սենյակային ջերմաստիճանում փափկած կարագը, խառնել:
Ավելացնել ալյուրը, խմոր հունցել:
- Ստացված խմորը բաժանել 12 հավասար մասի, գնդեր սարքել:
- Գնդերը գլորելով երկարացնել այնքան, մինչև դրանք դառնան նրբերշիկներից 2 անգամ երկար:
- Ստացված խմորները գալարաձև փաթաթել նրբերշիկների շուրջը:
- Ապա շարել պերգամենտային թղթով (կամ ֆոլգայով) և բուսայուղով պատված տապակի վրա:
Ձվի դեղնուցը խառնել 1ճ/գդ ջրի հետ և քսել նրբերշիկների վրա:
Թողնել նրբերշիկները այդ վիճակում 15 րոպե, որպեսզի խմորը բարձրանա:
- Եփել ջեռոցում 25-30 րոպե 180 աստիճանում մինչև ոսկեգույն երանգի առաջացումը:
Իհարկե, նրբերշիկով կարկանդակ այսօր կարելի է գնել ցանկացած հացաբուլկեղենի կրպակում: Սակայն, որպեսզի համոզվաց լինեք որակի մեջ, միշտ գերադասեք պատրաստել այն տանը: