Առևտրի ծավալների աճ 11.3 տոկոսով
11:15 , 2 մայիս, 2017
Հրապարակված տվյալների համաձայն՝ Հայաստանում այս տարվա առաջին եռամսյակում 11.3 տոկոսով աճել են առևտրի ծավալները: Դրան նպաստել են մեծածախ առևտրի և ավտոմեքենաների առևտրի ծավալների աճը:
Վերջինի դեպքում աճին նպաստեց այն, որ ԵՏՄ անդամ երկրներից հնարավոր դարձավ Հայաստան ավտոմեքենա ներկրել առանց մաքսազերծելու՝ ընդամենը վճարելով ԱԱՀ-ն:
Ընդհանուր առմամբ՝ ավտոմեքենաների առևտրի ծավալները աճել են 54.3 %, իսկ մեծածախ առևտրի ծավալները՝ 17-ով: Ինչ վերաբերում է մանրածախ առևտրին, ապա այն ավելացել է 5 տոկոսով: