Չինական երեք ակումբ հետաքրքրված է Մորատայի ծառայություններով
12:43 , 28 ապրիլ, 2017Armsport.am-ը գրում է.
«Ռեալի» հարձակվող Ալվարո Մորատան, որն ընթացիկ մրցաշրջանի ավարտից հետո մտադիր է փոխել ակումբը, մեծ պահանջարկ է վայելում տրանսֆերային շուկայում:
«AS»-ի հաղորդմամբ 24-ամյա իսպանացու ծառայություններով հետաքրքրված է չինական միանգամից 3 ակումբ, որոնց անունները, սակայն, դեռևս չեն հաղորդվում:
Ավելի վաղ հայտնի էր դարձել, որ Մորատայի ծառայություններով հետաքրքրված է Լոնդոնի «Չելսին», որը պատրաստ է նրա համար 65 մլն եվրո վճարել: Բացի դա, անգլիական ակումբը նրան պատրաստ է 6 մլն եվրոյից շատ վճարել. այդքան է կազմում ֆուտբոլիստի տարեկան աշխատավարձն «Արքայական ակումբում»:
Մորատան վերջերս վստահություն էր հայտնել, որ ապագայում ինքը կաշխատի «Չելսիի» գլխավոր մարզիչ Անտոնիո Կոնտեի հետ: