Ստամբուլում ձերբակալվել են բողոքի ակցիայի 19 կազմակերպիչներ
23:17 , 20 ապրիլ, 2017
Ստամբուլի ոստիկանությունը ձերբակալել է 19 մարդու՝ սահմանադրական հանրաքվեի արդյունքների դեմ բողոքի փողոցային ակցիաների կազմակերպման համար։ Այս մասին հայտնում է Yeni Safak-ը։
Նշվում է, որ ձերբակալվածները սոցցանցերի օգնությամբ ծրագրել էին կազմակերպել փողոցային ակցիաներ։ Ոստիկանությունը ձերբակալվածների գործողությունները կարող է որակել որպես «բնակչության շրջանում ատելության ու թշնամության բռնկում»։
Ավելի վաղ հաղորդվել էր, որ Թուրքիայի Բարձրագույն ընտրական խորհուրդը հրաժարվել է ընդդիմության պահանջով չեղարկել հանրաքվեի արդյունքները։