Ժողգործիքից՝ երգիչ-երգչուհի. «Նիկոլ» պրոյեկտի էվոլուցիան
23:00 , 17 ապրիլ, 2017
Իշխանության կողմից բուծած ընդդիմադիրների պակաս վերջին տարիների ընթացքում չի եղել: Որոշները պայթել են գործարքի հենց սկզբից, որոշներն էլ երկար օգտագործվելուց հետո ի վերջո դեն են նետվել:
Վերջին համապետական ընտրությունները տվեցին շատ հարցերի պատասխաններ: «Նիկոլ Փաշինյան» պրոյեկտը խորհրդարանական ընտրություններին փայլուն դերակատարում ունեցավ, որի համար ստացավ իրեն հասանելիք մանդատները:
Ու ապրիլի 2-ից հետո Հայաստանում Փաշինյանը այն եզակիներից էր, ում համոզմամբ ընտրություններն անցել են առանց խախտումների: Չբացառենք, որ վաղը մյուս օրն էլ Նիկոլը կհայտարարի, թե Հայաստանում միակ փրկիչը հանրապետականն է:
Մայիսի 14-ին կկայանան Երևանի ավագանու ընտրությունները:
Կասկածից վեր է, որ կրկին ականատես ենք լինելու նույն բեմականացմանը: Իսկ վերջում, կարծում եմ, մեզ բոլորիս ԵԼՔ դաշինքը համոզելու է, որ իշխանությունը վայելում է Երևանի ամբողջ բնակչության մեծ սերն ու հարգանքը:
Հ.Գ Փաշինյանին մեղադրում էին ժողգործիքային դրսևորումների մեջ, ու դրա ֆոնին վերջինս հանդես է գալիս երգով: Չափազանց դրամատիկ ու խորհրդանշական սկիզբ է, այնպես չէ՞: