Պետությունը ձեռք է մեկնում գյուղատնտեսական կոոպերատիվներին
12:06 , 15 ապրիլ, 2017
Ներկայումս հանրապետության ագրարային ոլորտում վարվող քաղաքականության կարևորագույն ուղղություններից է գյուղատնտեսությունում տնտեսվարման ձևերի զարգացումը, մասնավորապես՝ կոոպերացիայի խթանումը: Հայաստանի գյուղի և գյուղատնտեսության 2010-2020թթ. կայուն զարգացման ռազմավարության խնդիրների շարքում առանձնանում է կոոպերացիայի զարգացումը:
Կառավարությունը հաստատել է գյուղատնտեսական կոոպերատիվներին աջակցության պետական ծրագրի մշակման և հաստատման կարգը: Ռազմավարության շրջանակներում գյուղատնտեսության տնտեսավարման ձևերի զարգացման համատեքստում, միջոցառումները նպատակաուղղվելու են գյուղատնտեսությունում կոոպերատիվների տարբեր ձևերի խթանմանը, որը պահանջում է տարբեր միջոցառումների իրականացում, որոնք միտված են լինելու հողային ռեսուրսների օգտագործման մակարդակի բարձրացմանը, նոր աշխատատեղերի ստեղծմանը, արտադրողականության բարձրացմանը, միավոր արտադրանքի ինքնարժեքի նվազմանը, հավելյալ արժեքի ձևավորմանը, արտահանման խթանմանը, արդիական տեխնոլոգիաների ներդրմանը: