Կանադայի վարչապետը կոչ է արել խստացնել Ռուսաստանի դեմ պատժամիջոցները
23:15 , 10 ապրիլ, 2017
Կանադայի վարչապետ Ջասթին Թրյուդոն հայտարարել է Սիրիայում իրավիճակի հետ կապված հակառուսական պատժամիջոցները խստացնելու անհրաժեշտության մասին: Այս մասին հայտնում է Reuters-ը:
«Մենք պետք է մեր բարեկամների հետ աշխատենք պատժամիջոցներով և այլ միջոցներով Ռուսաստանին մեր դիրքորոշումը հասցնելու համար»,- ասել է նա:
Թրյուդոյի խոսքով՝ համաշխարհային հանրությունը պետք է խստացնի պատժամիջոցները, որպեսզի Ռուսաստանին ստիպի դադարել աջակցել Սիրիայի նախագահ Բաշար Ասադին: