ԹԵՍՏ. Շատ կարճ հոգեբանական թեստ, որը կբացահայտի, թե ինչ է թաքցնում ձեր ենթագիտակցությունը

Այս թեստում չափազանց կարևոր է հիշել առաջինը, ինչ գալիս է ձեր մտքին: Մտքում պահեք այդ պատկերը և փորձեք հիշել դետալները: Գուցե կարիք լինի գրառումներ անելու:

BlogNews-ը զգուշացնում է, որ հարկավոր չէ միարժեքորեն ընդունել թեստի արդյունքները, սակայն, այնուամենայնիվ, որոշակի ճշմարտություն այս ամենի մեջ կա:

Պատկերացրեք մեծ և անծայրածիր անապատ: Այդ անապատում կա մի խորանարդ:

1. Նկարագրեք այդ խորանարդը: Որքա՞ն մեծ է այն: Որտե՞ղ է այն գտնվում, թաղվա՞ծ է ավազի մեջ, թե՞ պարզապես գետնի վրա է: Գուցե օդո՞ւմ է կախված: Այն շարժվո՞ւմ է: Այն ամբողջական է, թե՞ ներսից դատարկ: Այստեղ չկան ճիշտ կամ սխալ պատասխաններ: Պարզապես հարկավոր է ուշադիր լինել դետալների հանդեպ:

2. Այսպիսով՝ դուք անապատում եք, որտեղ կա խորանարդ, և նկատում եք մի աստիճան: Պատկերացրեք այդ աստիճանը: Ինչի՞ց է այն պատրաստված: Որքա՞ն է երկարությունը, քանի՞ աստիճան ունի: Հի՞ն է, թե՞ նոր: Խորանարդի հանդեպ ի՞նչ դիրքում է: Այն խորանարդից վե՞ր է, թե՞ ներքև:

3. Իսկ հիմա պատկերացրեք, որ անապատում ձի կա: Նկարագրեք այն: Ամենակարևորը՝ ձեզնից ի՞նչ հեռավորության վրա է ձին, ի՞նչ է անում: Ո՞ր ուղղությամբ է այն շարժվում: Ի՞նչ տեսք ունի:

4. Փորձեք անապատում ծաղիկներ պատկերացնել: Քանի՞ հատ պատկերացրիք: Որտե՞ղ են աճում: Ի՞նչ տեսք ունեն: Ձիու, խորանարդի, աստիճանի և ավազի հանդեպ ի՞նչ դիրք ունեն:

5. Սկսվեց ամպրոպ: Պատկերացրեք այն ամենայն մանրամասնությամբ: Քամին ուժգի՞ն է: Ամպրոպն ինչ-որ կերպ ազդո՞ւմ է խորանարդի, ծաղիկների, աստիճանի և ձիու վրա:

Թեստը մեկնաբանվում է հետևյալ կերպ.

Խորանարդը ձեր էգոն է

Խորանարդի չափսերը ձեր սեփական «ես»-ն է:

• Մեծ խորանարդը փաստում է, որ դուք բավականին ինքնավստահ մարդ եք և ունակ եք լինելու լավ ղեկավար: Իսկ եթե ձեր խորանարդը փոքր է, ապա դուք հավանաբար անհամարձակ և համեստ մարդ եք: Դուք ամաչկոտ եք և չեք սիրում ուշադրության կենտրոնում լինել:
  
  
• Եթե ձեր խորանարդը ավազի մեջ խրված է, ապա դուք բավականին հանգամանալից եք և հաշվարկում եք ձեր ամեն քայլը: Պարզապես գետնի վրա տեղակայված խորանարդը նշանակում է, որ դուք պրակտիկ մարդ եք և հստակ գիտեք, թե ինչ եք ուզում այս կյանքում: Եթե խորանարդը շարժման մեջ է գտնվում, պտտվում, ապա դուք ոչ ստանդարտ մտածելակերպի տեր մարդ եք, ով հաճախ չի համակերպվում իր միջավայրի հետ: Օդում կախված խորանարդը փաստում է, որ դուք ստեղծագործ անձնավորություն եք, որն ունի շատ լավ երևակայություն:
  
  
• Եթե ձեր խորանարդը ներսից դատարկ է, ապա ձեր ներաշխարհը և կյանքի հանդեպ վերաբերմունքը կազմավորման փուլում են: Եթե այն ամբողջական է, ապա դուք լիովին ձևավորված անձնավորություն եք: Ձեզ մանիպուլյացիայի ենթարկելը չափազանց դժվար է:

Աստիճանը ձեր ընկերներն են

Աստիճանը շատ բան կարող է պատմել ձեր ընկերների, հարազատների և ձեր նրանց հանդեպ վերաբերմունքի մասին:

• Եթե աստիճան կպնում է խորանարդին, ապա դուք սովոր եք ձեր խնդիրները լուծել ձեր ընկերների և հարազատների միջոցով: Եթե ոչ, ապա դուք նախընտրում եք ձեր հարցերն ինքնուրույն լուծել:
  
  
• Եթե աստիճանը խորանարդից ցած է գտնվում, ապա դուք ձեր ընկերների համար հեղինակություն եք: Նույն հարթության վրա՞ են, ապա դուք նրանց ընդունում եք որպես ձեզ հավասարների և չեք սիրում նրանց ճնշել: Եթե վեր է խորանարդից, ապա նրանց կարծիքը ձեզ համար որոշիչ է, և դուք դրանից կախում ունեք:
  
  
• Եթե աստիճանը նոր է, ապա դուք ներկայումս շփվում եք համեմատաբար նոր ընկերների հետ, որոնց հետ վերջերս եք ծանոթացել, իսկ եթե հին է, ապա դուք նախընտրում եք ձեր վաղեմի, տարիներով փորձված ընկերների հետ շփվել:
  
  
• Աստիճանների քանակությունը. եթե ոչ ավել է, քան 3-5 աստիճան, ապա դուք շատ քչերին եք ձեզ մոտ թողնում: Եթե մոտ 10 հատ է, ապա դուք շատ ընկերներ չունեք, սակայն բոլորն էլ փորձված են և հավատարիմ: Եթե շատ-շատ են, ապա դուք շփվող մարդ եք, ով դեպի իրեն է ձգում մարդկանց:

Ձին ձեր զուգընկերն է

Ձիու տեսքը շատ բան է հայտնում այն մասին, թե ինպիսին եք դուք ուզում տեսնել ձեր կողակցին:

• Եթե դուք տեսնում եք կանգուն, հաստատուն, շագանակագույն ձի, ապա ձեզ հարկավոր է վստահելի մեկը, ում վրա դուք կարող եք հույս դնել: Եթե դուք տեսնում եք գեղեցիկ ձի, օրինակ՝ Պեգասին կամ էլ միաեղջյուրի, ապա ձեզ համար կարևոր է արտաքին տեսքը: Եթե դուք տեսնում եք միֆական կենդանի, ապա դուք մի անհասանելի մեկի մասին եք երազում կամ էլ ինչ-որ հայտնի աստղի:
  
  
• Ձեր ձին քսվո՞ւմ է խորանարդին, ապա դուք ձեր զուգընկերոջ հետ վստահելի և ջերմ հարաբերություններ ունեք:
  
  
• Եթե ձին հեռանում է խորանարդից, ապա դուք հավանաբար չեք վստահում ձեր զուգընկերոջը կամ էլ ձեզ թվում է, որ նա ձեզ հետ անկեղծ չէ:

Ծաղիկները ձեր երեխաներն են

• Որոշ մարդիկ պատկերացնում են մեկ, խեղճ և չորացած երիցուկ, ոմանք էլ՝ ծաղկուն այգի, որը պատում է ողջ անապատը: Հարկավոր է զգույշ լինել, որ երեխաները ձեր գլխին չնստեն:
  
  
• Գույնն ու կենսունակությունը կարող են խոսել երեխաների առողջական վիճակի և հաջողակ լինելու մասին:
  
  
• Խորանարդի հանդեպ նրանց տեղադրությունը խոսում է ձեր և ձեր երեխաների միջանձնային հարաբերությունների մասին:

Ամպրոպը ձեր վախերն են

Ամպրոպը ձեր վախերն ու անհանգստություններն են:

• Եթե ամպրոպը ձեզնից հեռու էր, ապա կյանքի անախորժությունները ձեզ շրջանցում են, և դա ձեր շնորքն է:
  
  
• Եթե այն խորանարդին մոտ էր, սակայն չազդեց նրա վրա, ապա դուք կարողանում եք հաղթահարել ձեր առջև ծառացած բոլոր դժվարությունները:
  
  
• Եթե դուք գտնվում էիք ամպրոպի էպիկենտրոնում, և այն վնասել է խորանարդը, ապա կյանքի դժվարությունները ձեզ կոտրում են: Նման դեպքերում հարկավոր է հիշել, որ դուք ունակ եք հաղթահարելու ցանկացած բան: