Վեդու ջրամբարի տեսլականը. 6000 հա ոռոգման «տրամագիծ»
16:10 , 29 մարտ, 2017
2018 թվականին ավարտվելու են Վեդու ջրամբարի շինարարական աշխատանքները: Արարատի մարզում կառուցվելիք ջրամբարի ջրաղբյուր են Վեդի և Խոսրով գետերը: Վեդու ջրամբարի ընդհանուր ծավալը նախատեսվում է 29.4 մլն խմ, իսկ ջրատվությունը` 32.3 մլն խմ, որը կլցվի Վեդի և Խոսրով գետերի հեղեղային հոսքերով` ոռոգման շրջանից դուրս:
Ջրամբարի կառուցումը կարևոր է նրանով, որ հնարավորություն կստեղծվի ունենալ ոռոգման անխափան համակարգ, որը իր մեջ կընդգրկի 6 հազար հեկտար հողատարածք:
Այդ տարածքից 3500 հեկտարը անցել են ինքնաոռոգման: Դա նշանակում է, որ գործող պոմպակայանները կանջատվեն ամբողջությամբ, իսկ 4-ը կաշխատեն մասնակի, ինչն էլ իր հերթին կհանգեցնի կորուստների 20-25 տոկոս կրճատմանը: