Ադրբեջանի փետրվարյան ձախողումը ջրի երես դուր եկավ գեներալների պաշտոնանկության տեսքով

Ադրբեջանում ռազմական բարձրաստիճան պաշտոնյաների պաշտոնանկությունների շարք է սկսվել: Իլհամ Ալիևի հրամանագրով պաշտոնից ազատվել են Ադրբեջանի ՊՆ գլխավոր շտաբի պետի առաջին տեղակալ, գեներալ-լեյտենանտ Էյվազ Ջաֆարովը, օպերատիվ կառավարման գլխավոր վարչության պետ, գեներալ-մայոր Էլբրուս Օրուջևը և գնդապետ Մուրադ Համիդովը։ Պաշտոնից ազատվել են ևս երկու գեներալներ:

Այսպիսի բարձրաստիճան գեներալների պաշտոնանկությունը պատահական չէ, Ալիևը դրա համար ունեցել է լուրջ հիմքեր, և այդ հարցում ամենայն հավանականությամբ կարևոր նշանակություն է ունեցել այս բարձրաստիճան գեներալների կողմից կոորդինացվող օպերացիաների ձախողումը: Խոսքը մասնավորապես վերաբերում է փետրվար ամսին ադրբեջանական դիվերսիոն գործողությունների տապալմանը, երբ Ադրբեջանը, հայկական ուժերի կողմից հակահարված ստանալով, փորձեց իր ակտիվությունը տեղափոխել դիվանագիտական հայտարարությունների դաշտ:

Հիմա, երբ արդեն ձախողումները կեղծ տեսանյութերի միջոցով ադրբեջանական հասարակությանը հրամցվել են որպես հաղթանակ, լավագույն պահն է այդ բարձրաստիճան զինվորականներին պաշտոնից հեռացնելու համար: