«Ժողովուրդ». «Ֆլեշ Մոտորս»-ում հափշտակության գործով նախաքննությունն ավարտվել է

«Ժողովուրդ» օրաթերթի տեղեկություններով՝ հայտնի գործարար Բարսեղ Բեգլարյանին՝ Ֆլեշի Բարսեղին, թալանել են հենց իր ընկերության աշխատակիցները։ Մասնավորապես «Ֆլեշ Մոտորս» ՍՊԸ կոմերցիոն բաժնի մենեջերներից Կոնստանտին Կոստանյանը 2014-2015թթ. ընթացքում ընկերությունից հափշտակել Է 65.6 մլն դրամ կամ մոտ 135 հազար դոլար արժողությամբ տարբեր տեսակի ավտոպահեստամասեր։ Ավելին՝ այս ընկերության կոմերցիոն բաժնի մեծածախ վաճառքի մենեջերներից Միշա Վարդանյանն Էլ 2014-2015թթ. ընթացքում հափշտակել Է 46.8 միլիոն դրամի կամ մոտ 96 հազար դոլարի գույք եւ գումար։ Կատարվածի վերաբերյալ հարուցվել են քրեական գործեր, ե՛ւ Կոստանյանը, ե՛ւ Վարդանյանը ձերբակալված են։ Ինչպես տեղեկացավ «Ժողովուրդ» օրաթերթը, այս քրեական գործերով ավարտվել Է նախաքննությունը, ու գործերն ուղարկվել են դատարան»,–գրում է թերթը։

Մանրամասները՝ թերթի այսօրվա համարում։