Թուրքիան չի պատրաստվում Ռուսաստանի հետ միակողմանի զիջումների գնալ

02:49 , 18 մարտ, 2017
Թուրքիան հրաժարվել է տրամադրել լիցենզիա Ռուսաստանից Թուրքիա արևածաղիկի ձեթի, ցորենի և եգիպտացորենի ներմուծման համար: Չնայած այն բանին, որ Թուրքիայի և Ռուսաստանի միջև նախապես ձեռք էր բերվել պայմանավորվածություն՝ Ռուսաստանից Թուրքիա պարենային ապրանքների ներմուծման մասին, սակայն այսօր պարզ է դարձել, որ Թուրքիան չի պատրաստվում միակողմանի գնալ զիջումների: Ստամբուլի արտահանողների ասոցիացիայի նախագահ Զեկերիա Մեթեն հաստատել է, որ Թուրքիան չի տրամադրում լիցենզիան: Սա հավանաբար պատասխան է նրան, որ Ռուսաստանը դեռևս չի հանել Թուրքիայից իր երկիր լոլիկի և այլ բանաջարեղենների ներկրման արգելքը: