09:10 , 2 մարտ, 2017
Բաղադրիչներ
- ալյուր - 100գր
- օսլա (крахмал) եգիպտացորենի - 100գր
- կակաո - 50գր
- շաքարի փոշի - 100գր
- կարագ - 175գր
- ձվի դեղնուց - 1 հատ
- ռոմ - 1թ/գդ
- փխրեցուցիչ - 1թ/գդ
- սուրճ լուծվող - 1թ/գդ
Պատրաստման եղանակ
- 100գր ալյուրը, կակաոն, օսլան, փխրեցուցիչը խառնել, ապա անցկացնել մաղով:
- Ձվի դեղնուցը հարել շաքարի փոշու և սենյակային ջերմաստիճանում փափկած կարագի հետ:
- Սուրճը լուծել 1ճ/գդ ջրում, ապա ավելացնել ռոմը և լցնել կարագով զանգվածի վրա, հարել:
- Ստացված զանգվածը խառնել մաղված ալյուրային զանգվածի հետ և խմոր հունցել: Անհրաժեշտության դեպքում մի քիչ էլ ալյուր ավելացնել:
Ստացված խմորը փաթաթել ցելոֆանի մեջ և տեղափոխել սառնարան 30րոպեով:
Սառնարանից հանել խմորը, գլանի տեսք տալ նրան, ապա կտրատել: Ամեն կտորը առանձին կլորացնել 4-5սմ տրամագծով:
- Կլոր խմորների վրա ակոսներ անել դանակի բութ սայրով, որպեսզի սուրճի հատիկի տեսք ստանանք:
Ջեռոցի տապակի վրա փռել պերգամենտային թուղթ, ապա վրան շարել թխվածքաբլիթները:
- Թխել ջեռոցում 10-12րոպե 200աստիճանում:
Թույլ տվեք սուրճի հատիկ թխվածքաբլիթներին մի փոքր սառչել, և նրանք պատրաստ կլինեն հաճույք պատճառել ձեզ իրենց անկրկնելի շոկոլադասրճային համով: