Հայաստանի պես փոքր տնտեսության համար շատ կարևոր է ապահովել արտահանման երկարաժամկետ աճ: Այդ նպատակով պետությունն աջակցում է ընկերություններին հարկային արտոնությունների տեսքով, ինչպես նաև միջազգային կառույցների հետ միասին կազմակերպում իրազեկող սեմինարներ:
Դրանից զատ՝ շատ կարևոր է տնտեսվարողի համար առավելագույնս դյուրացնել արտահանման գործընթացը: Նոր որոշման համաձայն՝ սննդի շղթայում գործող արտահանող
տնտեսավարողների համար ստեղծվում է արտահանողների արտադրական գործունեության տվյալների բազա:
Այս բազայում ընդգրկվելը տնտեսավարողներին հնարավորություն կտա եռամսյա պարբերականությամբ համապատասխան ձևաչափով տեղեկատվություն ներկայացնելու դեպքում, մարտի մեկից սկսած՝ բեռի արտահանման ուղեկցող փաստաթղթերը ստանալ նույն օրը՝ առանց լաբորատոր փորձաքննության: