Fight Nights-ը խզել է ադրբեջանցուն հաղթած Վարդան Ասատրյանի հետ պայմանագիրը
21:22 , 25 փետրվար, 2017
Fight Nights-ը խզել է պայմանագիրը Վարդան Ասատրյանի հետ, ով 2 օր առաջ ադրբեջանցի մարզիկն հաղթելուց հետո պարզել էր Արցախի դրոշը: Ընկերության հայատարարության համաձայն՝ հայ մարզիկի հետ պայմանագիրը խզվել է էթիկայի կանոնները խախտելու պատճառով:
«Այսօր պաշտոնապես խզվել է Վարդան Ասատրյանի հետ պայմանագիրը: Պատճառը մարզիկի կողմից էթիկայի կանոնների խախտումն է, որն արտահայտվեց քաղաքական բովանդակությամբ պաստառ ցուցադրելով: Մարտիկների պայմանագրերում կան կետեր, որոնք նվիրված են այդ հարցերին եւ պահանջում են պարտադիր պահպանել դրանք»,- Fight Nights-ի հայտարարությունը դրված է ընկերության «ВКонтакте» սոցիալական ցանցի պաշտոնական էջում: