Դերասանուհի Մոնիկա Բելուչին Սերբիայի մայրաքաղաքում բացել է Բելգրադի 45-րդ FEST կինոփառատոնը: Այդ մասին հայտնում է TASS-ը:
Բացման արարողությանը Բելուչին Էմիր Կուստուրիցայի «Հարդագողի ճանապարհով» ֆիլմի նկարահանող խմբի հետ միասին անցել է կարմիր գորգով: Ֆիլմը, որում գլխավոր դերերը տարել են Բելուչին և Կուստուրիցան, դարձել է փառատոնի բացման ֆիլմը:
«Ինձ համար մեծ պատիվ է, որ մեր ֆիլմը բացում է այսպիսի երկար պատմություն ունեցող փառատոնը: Մաղթում եմ FEST-ին երկար տարիներ և մեծ հաջողություն»,- ասել է նա:
Դերասանուհու խոսքերով իր համար պատիվ էր աշխատել Կուստուրիցայի հետ: