Թրամփը նոր միգրացիոն հրամանագիր կստորագրի փետրվարի 24-ին
07:53 , 23 փետրվար, 2017
ԱՄՆ նախագահ Դոնալդ Թրամփը միգրացիոն նոր հրամանագիր կստորագրի փետրվարի 24-ին՝ արդեն գոյություն ունեցողի փոխարեն։ Այս մասին հայտնում է Fox News հեռուստաալիքը՝ հղում անելով ԱՄՆ վարչակազմին։
Համաձայն հեռուստաալիքի տվյալների՝ նոր հրամանագրում խոսք կգնա ԱՄՆ մուտք գործող և երկրի տարածքում գտնվող ներգաղթյալների «ծայրահեղ ստուգման» մասին։
Հիշեցնենք, որ Թրամփի նախորդ միգրացիոն հրամանագիրը, որը ժամանակավորապես արգելել է 7 պետությունների քաղաքացիների մուտքը, վիթխարի հուզում էր առաջացրել ամերիկյան հասարակությունում։ Արդյունքում հրամանագրի գործողությունը դադարեցվել էր դատարանի որոշմամբ։