ՌԴ-ն հուսով է, որ Վրաստանը կանի դիվանագիտական հարաբերությունների վերականգնման առաջին քայլը. Կարասին
17:42 , 16 փետրվար, 2017
Tert.am-ը գրում է.ՌԴ-ի և Վրաստանի դիվանագիտական հարաբերությունների վերականգնման հարցը կախված է Թբիլիսիից: Մոսկվան հույս ունի, որ դիվանագիտական հարաբերությունները կվերականգնվեն, բայց կարծում է, որ դրա համար առաջին քայլը պետք է անեն վրացի գործընկերները: Այդ մասին հայտարարել է ՌԴ փոխարտգործնախարար Գրիգորի Կարասինը, գրում է «ՌԻԱ Նովոստի»-ն:
«Դա կախված է վրացական կողմից: Մենք չենք դրանք խզել, դրանք խզել է Վրաստանը: Այժմ մենք հույս ունենք, որ ինչ-որ հանգամանքներում դիվանագիտական հարաբերությունները կվերականգնվեն Թբիլիսիի նախաձեռնությամբ»,- ասել է Կարասինը: