ԱՄՆ կոնգրեսական Ջուդի Չուն կարևորել է Արցախի պետականության ճանաչումը
18:08 , 1 փետրվար, 2017
Armenpress-ը գրում է.
ԱՄՆ կոնգրեսական Ջուդի Չուն Մոնտեբելլոյում կազմակերպված հայկական Սուրբ ծննդյան ընթրիքի ժամանակ հայտարարել է Արցախի պետականությունը ճանաչելու կարևորության մասին: Ինչպես հաղորդում է «Արմենպրես»ը, այս մասին տեղեկացնում է Asbarez պարբերականը:
Կոնգրեսականը խոսել է Հայոց ցեղասպանությունից, ինչպես նաև Արցախին օգնություն տրամադրելու և պետականությունը ճանաչելու կարևորության մասին` հայտնելով, որ այդ ամենն իր գրասենյակի առաջնահերթություններից են: Նա նաև անդրադարձել է Թուրքիայում Հրանտ Դինքի սպանությանը` ընդգծելով այն բարդությունները, որոնց առերեսվում են Թուրքիայի հայկական համայնքի ներկայացուցիչներն ու մյուս փոքրամասնությունները: