Ըստ Մեդվեդևի՝ 2016-ին Հայաստանից Ռուսաստան ներմուծման 70 տոկոս աճ է գրանցվել
16:36 , 24 հունվար, 2017
Azatutyun.am-ը գրում է.Ռուսաստանի վարչապետ Դմիտրի Մեդվեդևն այսօր ընդունել է պաշտոնական այցով Մոսկվա ժամանած Հայաստանի վարչապետ Կարեն Կարապետյանին:
Ռուսաստանի կառավարության պաշտոնական կայքէջում հրապարակված հաղորդագրության համաձայն, ողջունելով հյուրին՝ Դմիտրի Մեդվեդևը ընդգծել է Հայաստանի հետ ունեցած «հատուկ, դաշնակցային» հարաբերությունների բնույթը և նշել, որ Կարապետյանի այցի հետ կապված նախապատրաստվել են մի շարք փաստաթղթեր, որոնք է՛լ ավելի խորացնելու են երկկողմ հարաբերությունները կոնկրետ ուղղություններով:
«Չնայած միջազգային կոնյունկտուրային՝ էներգակիրների գների փոփոխությանը և մի շարք այլ տնտեսական գործոնների, մեր երկրների միջև առևտրաշրջանառությունը կայուն է: Ինչ վերաբերում է Հայաստանից մեր երկիր ներմուծմանը, ձեր արտադրանքի առաքումներին, ապա անցած տարվա ընթացքում մենք ականատես եղանք 70 տոկոս աճի: Դա, իմ գնահատմամբ, Եվրասիական միությանը Հայաստանի անդամակցության և տնտեսական կապերի ամրապնդման հետևանք է», - իր խոսքում, մասնավորապես, ասել է Մեդվեդևը՝ հավելելով, որ կողմերը քննարկելու շատ հարցեր ունեն՝ թե՛ ներդրումային, թե՛ հումանիտար բնույթի:
Ամբողջական հոդվածը կարող եք կարդալ այստեղ: