Իրանի դիրքորոշումը բարդացնում է Սիրիայի հարցով Աստանայի հանդիպմանն ԱՄՆ-ի մասնակցության հարցը. Պեսկով
19:40 , 21 հունվար, 2017
Tert.am-ը գրում է.Իրանի դիրքորոշումը՝ որպես սիրիական կարգավորման հարցում կարևոր դերակատար, բարդացնում է Աստանայում Սիրիայի հարցով հանդիպմանը ԱՄՆ-ի վարչակազմի մասնակցությունը, BBC-ին տված հարցազրույցում հայտնել է Ռուսաստանի նախագահի մամուլի քարտուղար Դմիտրի Պեսկովը, գրում է «ՌԻԱ Նովոստի»-ն:
«Միանշանակ, մենք կողջունեինք դա (ԱՄՆ-ի մասնակցությունը – Tert.am): Իրավիճակը շատ բարդ է, կա Իրանը՝ սիրիական հարցում կարևոր դերակատար, իսկ իրանցիները չեն ողջունում ԱՄՆ-ն: Դա շատ բարդ հարց է շատ զգույշ խաղի համար»,- նշել է Պեսկովը:
Սիրիական զինված ընդդիմության միասնական պատվիրակության և իշխանության ներկայացուցիչների մասնակցությամբ Աստանայում կայանալիք հանդիպումը նախատեսված է հունվարի 23-ին: