ԱԻՆ-ը հրդեհատեխնիկական հետազոտություն կանցկացնի շուրջ հարյուր բենզալցակայանում
16:22 , 18 հունվար, 2017
Առաջիկա օրերին ԱԻՆ-ի պետական հրդեհային եւ տեխնիկական անվտանգության տեսչությունը հետազոտություններ եւ ուսումնասիրություններ կիրականացնի Երեւանի, Գյումրիի եւ Վանաձորի այն 100 բենզալցակայանում, որոնք կարգադրագրեր էին ստացել:
Նշենք, որ դեռեւս նախորդ տարում նախարար Երիցյանի հանձնարարականով մեկնարկած հետազոտությունների արդյունքում կազմվել էին արձանագրություններ, որոնք վերաբերում էին հրդեհային անվտանգության կանոնները չկատարելուն կամ խախտելուն: Հրդեհային անվտանգության պահանջները խախտելու համար ժամանակավորապես դադարեցվել էր 3 բենզալցակայանի շահագործում: Խախտումներ թույլ տված օբյեկտները ստացել էին կարգադրագրեր, որտեղ կոնկրետ նշված էին թերությունները: Նման օբյեկտներին տրվել էր վերջնաժամկետ՝ բացթողումները վերացնելու համար:
Ի դեպ՝ ի պատասխան ԱԻՆ տված կարգադրագրերի՝ արդեն որոշ տնտեսվարող սուբյեկտներ գրություն են ներկայացրել նախարարություն՝ արձանագրված թերությունները վերացնելու կապացությամբ: