Վրաստանում փոքր ծավալի մարիխուանա ձեռք բերելու և օգտագործելու համար ազատազրկումը չեղյալ է արվել: Որոշումը կայացրել է Վրաստանի Սահմանադրական դատարանը, տեղեկացնում է Newsgeorgia.ge-ն:
Դատարանը հակասահմանադրական է ճանաչել անձնական օգտագործման նպատակով կանեփի օգտագործումն ու ձեռքբերումը: Քրեական օրենսգրքի այդ նորմի փոփոխության նախաձեռնողը Վրաստանի օմբուդսմենի գրասենյակն է:
Դատարանը նշել է, որ մինչև 70 գ ձեռքբերման և պահպանման համար ազատազրկումը չափից դուրս խիստ միջոց է:
Վրաստանում մարիխուանայի օգտագործումը վարչական տույժով է պատժվում, եթե առաջին խախտումն է: Կրկնվելու դեպքում պատիժը քրեական է դառնում: