Եթե բլոտի եզրաբանությամբ ներկայացնենք իրադրությունը տարածաշրջանում, ապա այսօր ԻԻՀ նախագահ Հասան Ռուհանիի այցը Հայաստան պետք է կոչել Ադրբեջանին արված «չակեչակ»` որպես պատասխան Իսրայելի վարչապետի՝ Բաքու այցով արված «չակի», որի արդյունքում Հայաստան-Իրան զույգը «թարս կապուտ» է անում Ադրբեջանին: Ինչո՞ւ միայն Ադրբեջանին. որովհետև Իսրայելը արտատարածաշրջանային երկիր է մեծ հաշվով, և «ղումարը փակվողը» միայն Ադրբեջանն է:
Ադրբեջանի ամբողջ լրատվական դաշտը հեղեղված է հակաիրանական այնպիսի քարոզով, որ հետո «10 փութ մեղրով» էլ դա չեն կարողանալու ուտել:
Ամենաշատ արծարծվող թեման այս պահին ադրբեջանական մամուլում հայ-իրանական ռազմական համագործակցության թեման է և դրա՝ Ադրբեջանի դեմ ուղղված սլաքների հարցը: