Նոր օրենքը կբարդացնի ապօրինի հարստացած պաշտոնյաների գործը, բայց չի վերացնի մեքենայությունները
10:30 , 21 նոյեմբեր, 2016
Այս օրերին շրջանառվում է իրենց հարստանալու ազնիվ ճանապարհները հիմնավորել չկարողացող բարձրաստիճան պաշտոնյաներին և նրանց հետ փոխկապակցված անձանց քրեական պատասխանատվության ենթարկելու մասին օրինագիծը:Առաջին հայացքից հիանալի հակակոռուպցիոն նախագիծ է, բայց արդյո՞ք մեր ամենակարող պաշտոնյաները հնարավորթյուն չունեն այս օրենսդրական նախագիծն էլ շրջանցելու։ Իհարկե, նրանց գործը բավականաչափ կբարդանա այս նախագծով, քանի որ թիրախում են հայտնվում նաև նրանց հետ փոխկապակցված անձինք, այսինքն՝ նախկինի պես չեն կարողանա իրենց հարստությունը, անշարժ գույքը ձևակերպել կանանց, զոքանչների և այլոց անուններով։ Բայց քանի որ մեր երկրում իշխանությունից անկախ գործող պետական մարմիններ դե ֆակտո գոյություն չունեն, ուրեմն՝ իրենց հարստանալու ճանապարհները հիմնավորելու և այլ անձանց անուններով ձևակերպելու տարբերակը միշտ էլ աշխատում է։